පසුගිය මහ මැතිවරණයට ඉදිරිපත් වූ සමස්ත අපේක්ෂකයන්ගෙන් 23%ක් පමණ මේ වන විට තම ආදායම් වියදම් වාර්තා ඉදිරිපත් කර තිබෙනවා.

ඒ අනුව අපේක්ෂකයන් 8,361 දෙනාගෙන් 1,985 දෙනෙක් පමණක් සිය වියදම් වාර්තා ඉදිරිපත් කර ඇති බවයි වාර්තා වන්නේ.

මැතිවරණ කොමිෂන් සභාව නිවේදනය කළේ දෙසැම්බර් 6 වනදා වන විට සියලුම අපේක්ෂකයන් තම ආදායම් වියදම් වාර්තා ඉදිරිපත් කළ යුතු බවයි.
 
දෙසැම්බර් 6 වනදා වන විට අදාළ වාර්තා ඉදිරිපත් නොකරන්නන්ට එරෙහිව නීතිමය පියවර ගැනීමට නියමිත බවද එම කොමිසම සඳහන් කළා.

(xanin.lk)