2024 පාර්ලිමේන්තු මැතිවරණයේදී ජාතික ජන බලවේගයෙන් ගම්පහ දිස්ත්‍රික්කය සඳහා ඉදිරිපත් වූ විජිත හේරත් මනාප ඡන්ද 716,715ක් ලබා ගනිමින් එම දිස්ත්‍රික්කයේ පළමු ස්ථානය දිනාගෙන තිබෙනවා.

එය මෙරට ඉතිහාසයේ අපේක්ෂකයෙක් ලබාගත් වැඩිම මනාප සංඛ්‍යාව ලෙසයි වාර්තා වන්නේ.

මීට පෙර 2020 වසරේදී කුරුණෑගල දිස්ත්‍රික්කය සඳහා ඉදිරිපත් වූ හිටපු ජනාධිපති මහින්ද රාජපක්ෂ වැඩිම මනාප ඡන්ද ගණනක් ලබාගෙන තිබූ මන්ත්‍රි ධූර අපේක්ෂකයා ලෙස පත්ව සිටියා.

ඒ මනාප 527,364ක් ලබා ගනිමින්.

මේ අතර 2024 මහ මැතිවරණය සඳහා ජාතික ජන බලවේගයෙන් කොළඹ දිස්ත්‍රික්කය සඳහා ඉදිරිපත් වූ අගමැතිනි ආචාර්ය හරිනි අමරසූරිය මනාප ඡන්ද 655,289ක් ලබාගෙන තිබෙනවා.

(colombotimes.lk)