මැතිවරණ කොමිෂන් සභාව විසින් අද (08) මධ්‍යම රාත්‍රී 12.00න් අවසන් වීමට නියමිතව තිබූ පාර්ලිමේන්තු මැතිවරණයට අදාළ තැපැල් ඡන්ද අයදුම්පත් භාර ගැනීමේ දිනය ලබන 10 වනදා මධ්‍යම රාත්‍රී 12.00 දක්වා දීර්ඝ කර තිබෙනවා.

මැතිවරණ කොමසාරිස් ජනරාල් සමන් ශ්‍රී රත්නායක සඳහන් කළේ තැපෑලේදී සිදුවිය හැකි ප්‍රමාදවීම් සහ කොමිෂන් සභාව වෙත ලැබූ ඉල්ලීම් සැලකිල්ලට ගෙන මෙම දීර්ඝ කිරීම සිදු කළ බවයි.

ඒ අනුව අයදුම්පත්‍ර භාර ගැනීම අවසන් වන දිනට පෙර ඒවා අදාළ දිස්ත්‍රික් මැතිවරණ කාර්යාල වෙත ලැබිය යුතු බවද ඔහු වැඩිදුරටත් සඳහන් කළා.


(xanin.lk)