ඉදිරි ජනාධිපතිවරණය සඳහා ශ්‍රී ලංකා පොදුජන පෙරමුණෙන් ඉදිරිපත් කරන අපේක්ෂකයා කවුද යන්න ලබන ජූලි මාසයේ මැද භාගයේදී රටට නිවේදනය කරන බව එම පක්ෂයේ පාර්ලිමේන්තු මන්ත්‍රී සංජීව එදිරිමාන්න පවසනවා.

පොහොට්ටුවෙන් ජනාධිපති අපේක්ෂකත්වයට සුදුසු නම් ලත් කිහිප දෙනකුම අපේක්ෂා කරන බවත් ඔවුන්ගෙන් වඩාත්ම සුදුසු අපේක්ෂකයා නම් කරන බවත් ඔහු ප්‍රකාශ කළා.  

පක්ෂයේ ජනාධිපති අපේක්ෂකයා නම් කිරීමට පෙර සිදුකළ යුතු ශ්‍රී ලංකා පොදුජන පෙරමුණ බලගැන්වීමේ කටයුතු මේ වනවිට සිදුකරමින් සිටින බව මන්ත්‍රීවරයා වැඩිදුරටත් කියා සිටියා.

ඊයේ (20) ශ්‍රී ලංකා පොදුජන පෙරමුණ මූලස්ථානයේ පැවති මාධ්‍ය හමුවකට එක්වෙමින් ඔහු මෙම අදහස් පළ කළා.

(xanin.lk)