ඉලංගෙයි තමිළ් අරසු කච්චි ඉදිරි මහ මැතිවරණයට තනිව තරග කරන බව එහි මාධ්‍ය ප්‍රකාශක හිටපු පාර්ලිමේන්තු මන්ත්‍රී එම්. ඒ. සුමන්තිරන් පවසනවා.

ඊයේ (02) කොළඹ පැවති ප්‍රවෘත්ති සාකච්ඡාවකට එක් වෙමින් ඔහු මේ බව ප්‍රකාශ කළා.

මහා මැතිවරණයෙන් පසු ජතික ජන බලවේගයේ ආණ්ඩුවක් ගොඩනැගෙන්නේ නම් ඔවුන් සමඟ සාකච්ඡා කිරීමටද සුදානම් බව ඔහු කියා සිටියා.

කෙසේ නමුත් දෙමළ ජාතික සන්ධානයේ හවුල්කාර පක්ෂයක් වන ටෙලෝ සංවිධානයේ නායක හිටපු පාර්ලිමේන්තු මන්ත්‍රී සෙල්වම් අඩෙක්කලනාදන් කියා සිටියේ විපක්ෂයේ සියලු පක්ෂ එක්ව මහ මැතිවරණයට තරග කල යුතු බවයි.

ඔහු පසුගිය ජනාධිපතිවරණයේදී ස්වාධීන අපේක්ෂක පී. අරියනේත්‍රන් සහය පල කළා.

(xanin.lk)