ඇල්පිටිය ප්‍රාදේශීය සභා මැතිවරණයේ තැපැල් ඡන්ද පත්‍රිකා ඇතුළත් රක්ෂිත පැකට්ටු අද (07) තැපෑලට භාරදෙන බව මැතිවරණ කොමිෂන් සභාව පවසනවා.

එම රක්ෂිත පැකට්ටු තැපැල් දෙපාර්තමේන්තුව මඟින් රජයේ ආයතන වෙත යොමු කරන බවද එම කොමිසම සඳහන් කළා.

ලබන 14 වනදා ඇල්පිටිය ප්‍රාදේශීය සභා මැතිවරණයේ තැපැල් ඡන්ද සලකුණු කිරීම සිදු කිරීමට නියමිතයි.

මැතිවරණ කොමිසම සඳහන් කළේ එදිනට තම ඡන්දය සලකුණු කිරීමට නොහැකි වන තැපැල් ඡන්ද හිමියන්ට ලබන 18 වනදා සේවා ස්ථානය පිහිටි දිස්ත්‍රික්කයේ දිස්ත්‍රික් මැතිවරණ කාර්යාලයේදී ඒ සඳහා විශේෂ අවස්ථාවක් හිමිවන බවයි.  

එම මැතිවරණයට අදාළ නිල ඡන්ද දැන්වීමි පත්‍රිකා ලබන 12 වනදා තැපෑලට භාරදීමට නියමිත අතර ලබන 17 වනදා සිට 20 වනදා දක්වා ඒවා බෙදාහැරීමට නියමිතව තිබෙනවා.

ඒ අනුව ලබන 26 වනදා ඇල්පිටිය ප්‍රාදේශීය සභා ඡන්ද විමසීම පැවැත්වීමට නියමිතයි.

(xanin.lk)